كان ليا زمان حبيب
..............
كان ليا زمان حبيب سابنى ورجع تانى
ليه يازمان يغيب ويصحي الجرح تانى
صحيح انا نسيت لكن غدره صحانى
ليه يادنيا كده .. تعملى فينا كده
تغربينا وتفرقينا
وترجعى تلمى الشمل من تانى
....
بقي هو دا حالنا الحب يبعد عنا
والجرح بقي فينا ..والفرح مش لينا
والليل مخاصمنا
الحزن بقي غنوة نصحي نغنيها
ونمشي ندندنها وننام ندوب فيها
.....
قلبي دا مات واندفن والحب فيه اتقتل علشان حبيبه نسيه وسابه وغدر
النوم مجافيني والليل مخاصمنى والقمر
يعاتبنى يقوللى فين حبيبك اللى جه واعتذر....؟
قلتله ياقمر دا هجر وسابنى وغدر
لوحدي ولاسال قاللى والنهاردة اهو جه تانى اعتذر
قلتله بس قلبي ياقمر من جوه اتقفل
ومش هرجعله حتى لو ايه حصل.
قال طب ايه مسهرك وانت قلبك اتقفل..؟
مش عارف ياقمر بس لسه جوه قلبي حنين
وانا اللى كنت فاكر ان قتله بعد السنين
يبقي انت عاشق وغلبان ومحتاج لحنان
يسقيك حبيبك منه ويقولك ماتخافش الامان
طب ياترى الغلبان ممكن مايبقاش غلبان
ولا اتكتب عليه الغلب والحيره كمان
غريب امرك ياقمر اللى يسهرلك بيحب يااما
طاير وفرحان يااما عاشق وولهان
بس متعذب وتعبان
..
فاكر ياقمر لما كان حبيبي هنا جنبي
وكنت اسهرلك واحكيلك عن حبي..؟
فاكر ياقمر ليالي السهر والشوق والحنين...؟
كل دا راح ياقمر وأخده حبيبي وهجر ياريته لارجع ولا جه واعتذر
حيرتني معاك يابشر انت بتحبه ولا عايز تنساه...؟
انا خايف ياقمر يفرح قلبي ويرجع تانى ينساه
اللى بيحب مابينساش لا انت قدرت تنسي ولا هو قدر ينساك...
ارجع لحبيبك تانى .. وانسي اللى فات وابدا تانى
دا اللى داق الحب عمره فى يوم يسلاه
واللى اتكتب ع الجبين لازم يوم تلقاه
الحب دا قدر وقدرك ترجع لحبيبك اللى بتهواه
ليه تقتل قلبك وانت اللى فى ايدك محياه..؟
الحب كدا لازم تدوق عذابه علشان تعرف هناه..
ومين فينا مااتعذبش باسم الحب وإسي معاه..؟
ليه من اول جرح نتالم ولضعفنا نتعذب ونسلم..؟
حب حبيبك يابشر ودوب فيه وقرب
بس اوعى فى يوم تتغرب
.......
الرئيسية 
التسجيل 
دخول 
26/10/2007, 10:24
